第1个回答 2008-05-19
广州话托福考试
对於唔懂广州话嘅人，下面嘅题目难过英语托福题多多声，对於土生土长嘅广府人，睇完下面嘅题目你会发出会心嘅微笑。下文与其话托福考试，不如讲系一篇搞笑嘅文章，呢个正系我将呢篇文章放喺谐趣粤语裏栏目面嘅原因。不过都唔好轻视呢份题目，好多广府人都做唔到满分架。
一、听写题（10分）
听写内容：
广州要一年一小变，三年一中变，五年一大变，争取早日成为国际大都市。
（如发现有写"小便"、"大便"、"大笃屎"的，当即拖往广州火车站曝晒三天）
二、听力理解题（14分，每题2分）
1、录音："三点八个字响门口等，嚟迟咗就唔叉等你架喇！"
问题：他们约定的时间是（ ）。
A、五点零七分 B、三点零八分 C、三点五十七分 D、三点四十分
2、录音："呢条数都唔识计？！成碌葛噉，你个脑生喺个罗佑度啊？！"
问题：这位人兄的身份最可能是（ ）
A、卖菜的 B、老师 C、医生 D、罗大佑
（如发现考生有姓名为罗大佑者，准其不答，如其愿意上交带签名的照片一张的，可适当加分）
3、录音："李同学呢次大镬咯，三科肥佬。"
问题：李同学遇到的情况是（ ）
A、减肥失败 B、买了个大锅 C、遇到三个胖子 D、考试不及格
4、录音："布薯仔真系唔好彩，佢老窦卖咸鸭蛋喇。"
问题：小布他爹怎样了？（ ）
A、去见马克思了 B、走私鸭蛋 C、攻打伊拉克 D、中奖了
5、录音："我去市场想买粉肠，结果买咗鱼肠。跟住想去建行，点知只有工商。响工商见到姨丈，就将鱼肠畀咗姨丈。"
问题：这位同志原本想去（ ）
A、打劫银行 B、拜见姨丈 C、兑奖 D、买猪肠
6、录音："寻晚同三姑六婆坐埋打咗八圈，输到一戙都冇，连老婆本都蚀埋！"
问题1：这位人兄昨晚在做什麼？（ ）
A、打坐 B、和女同志打架 C、搓麻 D、陪老婆
问题2：他输了什麼？（ ）
A、一栋楼 B、一吨硬币 C、老婆 D、不确定
（回答问题2时，如发现有选C者，立即扭送三讲学习）
三、选择题（16分，每题2分）
1、你条（ ） ，打你电话点解唔应啊？！
A、肠粉 B、粉肠 C、拉肠 D、腊肠
2、寻日演唱会（） 晒棚，连企位都冇。
A、建 B、搭 C、拆 D、爆
3、靓姑今日著咗件新衫，红（） ，几抢眼喎。
A、蒙蒙 B、当荡 C、卜卜 D、掠掠
4、BB仔个面珠趸红（） ，好鬼死得意。
A、蒙蒙 B、当荡 C、卜卜 D、掠掠
（做完第3、4题后，部分考生可能从此对红色过敏）
5、以下四个词中不可解释为"死"的是 。
A、香 B、钉 C、直 D、飞
6、再阿吱阿咗，信唔信我拍（） 噉拍你吖嗱！
A、姜 B、葱 C、蒜 D、胡椒
7、嗰个死懒鬼，日日黄朝白晏仲赖响张床处，（） 都唔起身。
A、推 B、铲 C、摸 D、炒
8、朱先生眼定定咁望住隔离个位小姐，嗒晒 （）噉款
A、盐 B、油 C、糖 D、醋
四、阅读理解题（10分，每题2分）
顾客甲同顾客乙讲："天时暑热，身水身汗。整支嘢饮咧。"
铺头老世："要水啊？边只牌子？......喂，度水啦！望咩望，你以为你乜水啊？！"
顾客甲问顾客乙："喂，有冇带银啊？......唔系呀嘛？噉重唔较脚散水？！"
问题：
第一个"水"的意思是
第二个"水"的意思是
第三个"水"的意思是
第四个"水"的意思是
第五个"水"的意思是
（做这题时考生极易出现脱水痉挛，或双手掐喉狂喊"水！水！水！"不止的现象， 请监考官以大桶蒸馏水浇之，并拖出考场）
五、名词解释（10分，每题2分）
1、生骨大头菜：
2、观音兵：
3、静鸡鸡：
4、青BB：
（第3、4题如发现有译成类似人体器官字样者，就地暴踩）
六、翻译题（10分）
请将以下歌词翻译成普通话：
鹅满试快乐的好耳痛，鹅闷天天一戏个窗！
鹅们再壳习，鹅闷载升涨，鹅闷事春天滴化---－
鹅满是咪耐滴煮印勇，鹅闷屎舍烩滴洞亮！
姣象拧耗骂？路时拧好马？鹅闷田田蚊喉拧---－
七、口语题（10分）
请口含新版一元硬币，在10秒内以标准广州话朗读完以下文字：
掘金掘桔掘金桔
掘龟掘根掘根骨
掘完根骨掘金桔
掘完龟骨轮鸡骨
（请监考官作好救护准备，多数考生在朗读过程中会将银币误吞入肚）
八、命题作文（20分）
题目：论"阴公"、"冇阴公"和"冬阴公"之间的辨证关系
祝你早日识讲壹口地道的广州话~~~仲无忘记同我加分啊~~咔咔